Klik op de poster om nei de boeken te gean.

 Nijste útjeften

€ 5,00

 Kulturele Manifestaasjes

Twa kear yn ’t jier giet útjouwerij Frysk en Frij nei in doarp ta mei in literêr-kultureel programma foar jong en âld.
Yn ’e mande mei kulturele kommisjes, de doarpsmienskip, skoallen en oare gadingmakkers út de omkriten wurdt in kulturele manifestaasje opset.

Foar fynpriuwers binne der cross-overs: poëzij, proaza, muzyk, film en teater. De eigen kultuer en skiednis fan it doarp krijt rom omtinken. Ek byldzjende keunst ûntbrekt net. Neist dat grut ferskaat is der foar de bern in poëzywurkwinkel, toaniel, spultsjes en in lesbrief foar de skoallen.

Freed 29 maaie 2015 wie it spektakel yn Bûtenpost. Sjoch de kollaazje hjirboppe.

Foar de kommende jierren wurde de plakken noch bekend makke.

De organisaasje is yn hannen fan Stichting Utjouwerij Frysk en Frij, dat hâldt lykwols net yn dat de bydragen allinne komme fan skriuwers/keunstners út it fûns fan Frysk en Frij, krektoarsom: dit konsept beëaget in sa breed mooglik Frysk literêr- en kultureel grienmank út ûnderskate rûnten en ferbannen.